TIRANË-Një grup protestuesish vijojnë të qëndrojnë që prej mbrëmjes së djeshme përpara Kryeministrisë, si vijim i protestës së mbajtur që prej pasdites së djeshme, e cila vijon prej 21 ditësh. Protestuesit kanë vendosur një çadër për t’u mbrojtur nga dielli, ndërkohë që efektivët e Policisë kanë ndërhyrë për largimin e saj.
Policia e Shteti u ka bërë thirrje protestuesve të respektojnë ligjin, duke i paralajmëruar për paligjshmërinë e bllokimit të Bulevardit. Qytetarët janë shprehur të vendosur se nuk do të largohen, ndërsa efektivët janë tërhequr. Thirrja 'Rama jepe dorëheqjen”, nuk ka munguar as paraditen e sotme.
Qytetarët kanë protestuar për të 21-tën herë mbrëmjen e djeshme teksa për orë të tëra janë mbledhur para kryeministrisë dhe kanë marshuar në rrugët e kryeqytetit. Pjesë e kësaj proteste ishin edhe shqiptarë nga Diaspora, teksa me flamuj dhe pankarta në duar, ata kërkojnë të plotësohen kërkesat e tyre.
