TIRANË- Me 891,414 vizitorë të huaj në vetëm një muaj, Shqipëria shënon një rritje prej 8.8% krahasuar me prillin e vitit 2025, duke vendosur një tjetër rekord për sektorin turistik.
Lajmin e bëri të ditur kryeministri Edi Rama përmes një postimi në rrjetet sociale, duke theksuar se vendi po tërheq gjithnjë e më shumë vizitorë nga e gjithë bota.
“Nga Danimarka, Italia , Polonia, Franca, Kanadaja, Mbretëria e Bashkuar e deri te SHBA, gjithnjë e më shumë turistë po zgjedhin Shqipërinë për natyrën, kulturën, bregdetin dhe mikpritjen autentike.”, shkruan Rama.
Gjithashtu, në postim, Rama ka ndarë për publikun të tjera shifra, si më poshtë.
Rritja e turistëve që kanë vizituar Shqipërinë gjatë muajit prill:
+266.1% nga Lituania
+265.4% nga Danimarka
+81.1% nga Polonia
+52.5% nga Spanja
+37.3% nga Kanadaja
+28.7% nga SHBA
+25% nga Belgjika
+22.8% nga Franca
+20% rritje nga Italia
+11.2% nga Mbretëria e Bashkuar./ZËRI
