DURRËS- Altin Hajri është një nga personat e shpallur në kërkim nga Struktura e Posaçme kundër Korrupsionit dhe Krimit të Organizuar. Hajri është një emër i njohur për botën e krimit në Durrës dhe jo vetëm, pasi ishte shpallur në kërkim që në vitin 2020 për rrëmbimin dhe zhdukjen e Jani Prengës. Këtë herë Hajri dyshohet se ka bashkëpunuar me ish-deputetin e Partisë Socialiste, Jurgis Çyrbja, i cili dyshohet gjatë kërkimit policor e ka strehuar në banesën e tij.
Por edhe pse kanë kaluar 4 vite nga shpallja e tij në kërkim 'favorizimiet' nuk kanë munguar. Me një vendim nga Këshilli Kombëtar i Territorit dhe Ujit i është dhënë një leje për ndërtim pallati bashkëshortes së Altin Hajrit.
Firma “Pjeza 2022” do të ndërtojë një pallat, e cila rezulton të jetë në pronësi të Valentina Hajrit, bashkëshortes së Altin Hajrit.
Këshilli ka miratuar lejen për ndërtimin e një “Godine banimi dhe shërbimi me 18 kate mbi tokë dhe 3 kate nëntokë” në qytetin bregdetar.
-
-
-
Arrestimi i deputetit Çyrbja, në kërkim edhe Altin Hajri
21 Tetor, 08:23
Kush është Altin Hajri
Altin Hajri ka qenë i akuzuar për rrëmbimin dhe vrasjen e Jani Prengës në janar të vitit 2020 dhe fillimisht u dënua me 7 vite burg, por më pas Apeli e shpalli të pafajshëm. Në lidhje me këtë ngjarje në janar të 2025 në Gjykatën e Posaçme, pas një viti pezullim u mbajt në mungesë gjyqi për Altin Hajrin, pronarin e “Golden Resort”. Prokuroria e Posaçme lexoi kërkesën për gjykim të Hajrit, mbi të rëndojnë akuzat rrëmbim, mbajtje peng me pasojë vdekjen. Hajri ka edhe një mase tjetër sigurie për dosjen e ish- deputetit socialist Jurgis Çyrbja. Ai ka qenë i hetuar dhe arrestuar për trafik heroine dhe aktivitete të tjera kriminale, por gjithmonë ka arritur t’i shpëtojë ndëshkimit./ZËRI
