TIRANË- Dedan Gjoni, ish-shefi i komisariatit numër 6 në Tiranë, që u arrestua në nëntor të vitit 2023, ishte një nga personazhet më aktiv të grupit kriminal që u godit nga SPAK. Edhe pse një zyrtar dhe drejtues i lartë policie, Gjoni rezulton në përgjime të shumta në lidhje të forta me kriminelët, madje duke marrë përsipër për të gjetur gjerëzit për të kryer edhe vrasjen e dy vëllezërve nga Britania e Madhe.
Mësohet se Gjoni është nipi i gjyqtarit të larguar nga sistemi i drejtësisë Gjin Gjoni, i cili u vu nën hetim për fshehje të pasurisë, përpara se të niste procesi i Vettingut.
-
Aksion në Elbasan, SPAK arreston ish-gjyqtarët
25 Nëntor, 18:01 -
SPAK 'godet' në Elbasan! Arrestohet në Itali “truri financiar”!
25 Nëntor, 16:48 -
-
-
-
SPAK në Elbasan/ Zbulohen emrat e gjyqtarëve të arrestuar
25 Nëntor, 13:07
Gjin Gjoni dhe bashkëshortja e tij Elona Çaushi ishin nën hetim që prej vitit 2014 për disa akuza penale, përfshirë mosdeklarimin e pasurisë dhe konfliktin e interesit, megjithatë hetimet për ta u mbyllën për shkak të kalimit të afatve. Emri i Gjin Gjonit ishte një prej të parëve që u shortua në procesin e Vetingut, ndërkohë që gjyqtari paralelisht bëri një lëvizje të beftë duke përfituar një leje prindërore dy vjeçare nga ana e Këshillit të Lartë të Drejtësisë.
Pas më shumë se 2 dekadash në sistemin e drejtësisë, i klasifikuar si një prej njerëzve më me influencë, Gjoni dha dorëheqjen nga sistemi, për të mos u përballur me gjetjet e Komisionit të Vetingut. Tashmë disa vite më vonë, është radha e nipit të tij që të përgjigjet me drejtësinë, pasi akuzohet për disa vepra të rënda penale, nga grupi i strukturuar kriminal, te trafiku i drogës dhe te sigurimi i kushteve për të kryer vrasjen.
Dedan Gjoni u vu në pranga në nëntor të vitit 2023, në afërsi të stadiumit Air Albania, teksa mbante ende detyrën e shefit të komisariatit të policisë numër 6. /ZËRI
