TIRANË- Një ngjarje e rëndë ka ndodhur në afërsi të zonës së Shkëmbit të Kavajës, ku dy turistë angelezë që po lundronin me një mjet Jet Ski kanë humbur kontrollin dhe kanë rënë në ujë. 34-vjeçari Silvester Oleug ka humbur jetën, ndërsa vajza që e shoqëronte, Vera Ruani ndodhet në gjendje të rëndë.
Të dy anglezët kishin ardhur për pushim në Shqipëri dhe kishin marrë jet-ski me qira për të lundruar në ujë. Por, ata kanë humbur kontrollin dhe kanë përfunduar në ujë. Sot policia bëri me dije se ka vënë në pranga Luis Xhumarin, operator turistik, pasi u ka dhënë turistëve jet-ski me qira pa pasur lejen për drejtimin e mjetit lundrues. Bazuar në rregullore, motorët e ujit mund të jepen me qira vetëm kur drejtuesi është i pajisur me leje përkatëse.
