Nisin ethet për maturantët, nesër provimi i parë

Një ditë përpara provimit të parë të Maturës Shtetërore, ministrja e Arsimit dhe Sportit Ogerta Manastirliu ka publikuar rregullat që duhet të ketë në konsideratë çdo maturant para dhe gjatë zhvillimit të testimeve të Maturës Shtetërore.

F.m

2 Qershor 2025, 18:05

Nisin ethet për maturantët, nesër provimi i parë

Foto Ilustruese

TIRANË- Nesër nisin zyrtarisht “ethet” për maturantët, pasi japin testin e parë me detyrim, atë të Gjuhës së Huaj, duke startuar sezonin e provimeve që përfundon më 24 qershor. Në total janë 27 mijë maturantë që u nënshtrohen këtyre provimeve. Një ditë përpara provimit të parë të Maturës Shtetërore, ministrja e Arsimit dhe Sportit Ogerta Manastirliu ka publikuar rregullat që duhet të ketë në konsideratë çdo maturant para dhe gjatë zhvillimit të testimeve të Maturës Shtetërore. Provimi nis në orën 10:00 dhe nuk lejohet largimi para orës 12:30.

Me vete duhet të keni një mjet identifikimi, 2 stilolapsa, vizore të vogël dhe makinë llogaritëse të thjeshtë. Kini parasysh që ndalohet rreptësisht përdorimi i celularëve apo i orave smart.