KOLUMBI- "Women No Longer Cry", albumi i ri i Shakira -s është publikuar sot. Ylli kolumbian ka përfshirë në këtë album një këngë të re kushtuar ish-it, Gerard Piqué. Ajo titullohet "Última" dhe është një baladë në të cilën ajo flet për fundin e lidhjes së saj me ish-futbollistin. Duket se do të jetë kënga e fundit në të cilën ajo trajton ndarjen e saj me ish-futbollistin, pasi këtë e ka bërë në disa këngë të saj.
"Ajo që na ndodhi tashmë ka ndodhur dhe nuk ka kuptim. Ti doje të dilje dhe unë doja të qëndroja me ty në shtëpi, ti doje të merresha me botën dhe unë thjesht doja të të kisha ty," shprehet ajo në strofën e parë.
Vieë this post on Instagram
"Women No Longer Cry" përfshin hitin e saj me Bizarrap, Music Sessions #53 dhe këngë si TQG me Karol , Te Felicito me Rauw Alejandro dhe Copa Vacía me Manuel Turizo. Kënga e saj e re është Puntería, një bashkëpunim me Cardi B./ZËRI
