TIRANË- Dy përfaqësues të policisë së shtetit kanë hyrë në ambientet e selisë së Partisë Demokratike, aty ku ndodhet ish-kryeministri Sali Berisha. Ndërkohë që dhëndri i tij, Jamarbër Malltezi është vendosur në pranga, duket se lajmi nuk ka mbërritur ende tek 'reja' e tij, Armina Mevlani.
Bashkëshortja e djalit të ish-kryeministrit, Shkëlzen Berisha vijon me reklamat në rrjetet e saj sociale. Konkretisht në një qendër bukurie. Postimi është bërë në të njëjtën kohë kur nga Stuktura e Posaçme kundër Korrupsionit dhe Krimit të Organizuar doli lajmi për arrestimine e Malltezit.
Ky i fundit është vendosur në pranga për çështjen e privatizimit të kompleksit “Partizani”, por për Sali Berishën,Gjyjata e Posaçme kundër Krimit të Organizuar dhe Korrupsionit ka caktuar masën e sigurisë “Detyrim paraqitje” për Sali Berishën.
Klubi sportiv “Partizani” ishte kompleksi më i rëndësishëm sportiv në pronësi të Ministrisë së Mbrojtjes por kaloi në "duart" e dhëndrit Jamarbër Malltezi. Ky i fundit si trashëgimtar i 140 m2 tokë, arriti të merrte 35 % të sipërfaqes falë një marrëveshje suksesi me trashëgimtarët e tjerë. Si përfundim, qendra më të madhe sportive, me përmasa 26.000 metra katrorë, u pagua vetëm 14.000 euro. Nga maxhoranca, e cila ka dërguar dosjen në SPAK, pretendohet se për kalimin e pronësisë janë implikuar ish-ministra të Mbrojtjes, Fatmir Mediu, Gazmend Oketa dhe Arben Imami, ish-ministri i Financave, Ridvan Bode, ish-ministri i Ekonomisë, Genc Ruli, ish-presidenti Bamir Topi, ish-sekretari i Përgjithshëm i Këshillit të Ministrave Gjergji Lezha, ish-drejtori i Anti-korrupsionit në Kryeministri Oerd Bylykbashi, ish-inspektori i Anti-korrupsionit Ilir Kadiu. Por nuk dihet nëse SPAK ka ndonjë vendim për ta./Zëri.ai
