SHBA- Rikthehet legjenda e hip-hop, Eminem. Së shpejti do të publikohet albumi i 12-të i tij. Lajmi është bërë i ditur nga titani i industrisë muzikore Dr. Dre në një intervistë për emisionin Jimmy Kimmel Live, shkruajnë mediat e huaja.
“Eminem po krijon diçka të veçantë dhe unë jam i emocionuar që kam kontribuar. Nesër, do të dëgjoj për herë të parë albumin e plotë dhe po ju them, është zjarr”, tha Dre, duke nënvizuar pritshmëritë e mëdha rreth publikimit.
Pavarësisht marrëdhënies së tyre të ngushtë të punës, Dre pranoi se Eminem e ka mbajtur pjesën më të madhe të përmbajtjes së albumit të fshehur, madje edhe nga ai.
“Eminem i mban letrat afër gjoksit. Nuk kam pasur ende rastin të dëgjoj gjithçka, por me sa di, të gjithë mezi po e presim dhe do të jetë kënaqësi të jashtëzakonshme ta dëgjosh”, komentoi ai, duke theksuar prirjen e Eminem për perfeksionizëm dhe surpriza.
Marshall Bruce Mathers III (lindur më 17 tetor 1972), i njohur profesionalisht si Eminem, është një reper amerikan. Ai vlerësohet me popullarizimin e hip hopit në Amerikën e Mesme dhe shpesh konsiderohet si një nga reperët më të mëdhenj të të gjitha kohërave. Suksesi i tij global dhe veprat e vlerësuara gjerësisht kanë thyer barrierat racore për pranimin e reperëve të bardhë në muzikën popullore./ZËRI
