BRAZIL- Futbollisti i Brazilit dhe i Al Hilal, Neymar përjetoi një të martë mjaft stresuese, më 7 nëntor, pasi në banesën e Bruna Biancardi-t, nënës së vajzës së tij të porsalindur Maive, u futën grabitës të armatosur. Ngjarja ndodhi në Cotia, në shtetin e Sao Paulos. Sipas mediave braziliane, prindërit e influenceres ishin në vendngjarje në momentin e grabitjes dhe u lidhën nga keqbërësit, të cilët nuk i lënduan.
Sipas Gardës Civile Komunale (GCM), njëri nga të dyshuarit për këtë grabitje, që është arrestuar, është banor i godinës ku ka shtëpinë familja Biancardi.
Pikërisht ai ka lejuar që të hyjnë në godinë keqbërësit e tjerë. Dy nga të dyshuarit ishin të armatosur dhe po kërkonin Brunën dhe Mavie, vajzën e yllit brazilian Neymar.
Por të dyja nuk ndodheshin në rezidencë kur u futën grabitësit. Fqinjët thirrën policinë pasi vunë re se diçka e çuditshme po ndodhte në shtëpi.
Agjentët rrethuar godinën dhe arrestuan një prej tyre. Keqbërësit e tjerë u larguan me çanta luksoze, ora dhe stoli. Numri 10 i Brazilit ende nuk ka bërë një reagim në lidhje me ngjarjen./Zëri.ai
