BRAZIL- Futbollisti Dani Alves po vazhdon të qëndrojë në burg për përdhunim. Mediat spanjolle kanë zbardhur dëshminë tronditëse të vajzës, e cila shpjegon në detaje ngjarjen e rëndë. 23-vjeçarja ka rrëfyer momentin kur hyri në një banjë të vogël, edrejtuar nga futbollisti. Vajza pretendon se Alves e detyroi të ulet sipër tij dhe më pas e ka dhunuar.
"Ai ishte pas meje, unë kisha kushëririn tim përpara. Më pas mbaj mend që ai u largua dhe unë. Më bëri shenjë që t’i afrohesha. Mendova të flisja me të dhe të shihja se çfarë donte, nuk mendoja për asgjë tjetër. Shkova atje për të folur me të, nuk e dija ku do të më çonte. Arritëm në një dhomëz me derë, ai e hapi dhe unë hyra. Kur hyra brenda, pashë se ku po futesha, pashë se ishte një banjë e vogël, shumë, shumë e vogël. Mendoj se atëherë filloi tronditja ime. Më kujtohet, ai u ul dhe fillova t’i them: Duhet të iki, duhet të iki. Mbaj mend që më ngriti fustanin dhe më bëri të ulem mbi të. Aty filloi të më thoshte të gjitha llojet e gjërave. Ai këmbënguli që edhe unë t’i tregoja gjëra. Më lëndoi gjurin, u përpoq të bënim seks oral. Unë u përpoqa të largohesha, derisa ai më kapi nga qafa dhe filloi të më godiste”,-është shprehur ajo.
Pas rrëfimit e reja shprehet se askush nuk do ta besojë sepse të gjithë do ta shohin në kamerat e sigurisë se si ajo hyri vullnetarisht në banjë.
Ngjarja ka ndodhur në klubin e natës “Sutton” të Barcelonës më 30 dhjetor 2022. Nëse shpallet fajtor, ish-lojtari i Barcelonës rrezikon deri në 10 vite burg. Alvez deri më tani i ka mohuar akuzat./Zëri.ai
