TIRANË- Ka gati 10 vjet që kur telenovelat turke kanë pushtuar Ballkanin dhe të gjithë botën. Kjo gjë do të thotë para për aktorët që luajnë në këto filma. Yjet më të mëdhenj të serialeve turke fitojnë deri në një milion euro në vit, shifër që i rendit ata në mesin e aktorëve më të paguar evropianë.
Aktorët turq marrin një tarifë të paracaktuar për çdo episod.
Sulejmani vlen miliona
Disa nga aktorët më të shtrenjtë turq janë Halit Ergenç ("Sulejmani i Madhërishëm") dhe kolegu i tij Burak Özçivit ("Dashuri e pafund"). Ata marrin 25 mijë euro për episod dhe të ardhurat mujore kapin 100 mijë euro.
Haliti dyshohet se ka mbledhur tre milionë e gjysmë euro vetëm me rolin e Sulejmanit, të cilin e ka luajtur në 139 episode! Të ardhurat që ky serial ka mbledhur konsiderohen si fitimet më të mëdha ndonjëherë. Kur këtyre të ardhurave i shtohen edhe tarifat e reklamave, aktorët turq marrin disa milionë euro në vit.
Burak u bë i famshëm si "Bali Beu", por vetëm pak vite më parë mori të ardhurat që Ergenc e "fuste në xhep" prej gati një dekade. Për këtë kontribuoi më së shumti hiti televiziv “Dashuri pafund”, si dhe seriali që po xhirohet aktualisht “Themeluesi: Osman”.
Menjëherë pas kësaj dyshe vijnë Kivanc Tatlitug ("Dashuri dhe hakmarrje") dhe Kenan Imirzalioglu ("Ezel", "Karadaji"). Kjo dyshe merr 20 mijë euro për episod, dhe 80 mijë euro në muaj. Kolegu i tyre më i ri Can Jaman, heroi i serialit “Ëndërrimtar”, konsiderohet si një nga aktorët më të shtrenjtë të gjeneratës së re. Tarifa e tij për episod është 10,000, ose 40,000 euro në muaj.
Edhe aktohet nuk ankohen
Në “kampin” e femrave çmimet janë pak më të ulëta, por edhe aktoret e njohura nuk janë shumë prapa kolegëve meshkuj.
Për të punësuar Cansu Dere ("Forca"), Fahrije Evcen ("Kur gjethet bien"), Beren Sat ("Nderi i humbur") dhe Serenay Sarıkaya - do të duhet t'i jepni 60,000 euro në muaj. Këto zonja “kushtojnë” 15 mijë euro për episod.
Hande Erçel është aktorja më e paguar e re turke, e ndjekur nga Demet Ozdemir. Të dyja konsiderohen si yjet e reja në ngjitje në serialet turke. Këto dy vajza marrin 10 mijë euro për episod dhe të ardhurat e tyre mujore janë 40 mijë euro./ZËRI
