SHBA- Miliona njerëz çdo ditë shfletojnë platformat e shikimit të videove si Tiktok, Instagram dhe sigurisht Youtube. Dhjetëra tendenca shfaqen pothuajse çdo ditë gjithashtu, por shumica e tyre zbehen në heshtje. Megjithatë, një tendencë që duket se ka rezistuar është ajo e "ASMR", e cila ka pushtuar rrjetet online, pasi ndjenja që shkaktojnë përshkruhet si një ndjesi shpimi gjilpërash që fillon në majë të kokës dhe mund të përhapet në qafë dhe gjymtyrë. Ndjesia e shpimit vjen në valë dhe është një gjendje hipnotike, e shoqëruar me ndjenja euforie dhe relaksi.
Në fakt, këto stimuj që i jep shikuesit krijojnë aq shumë varësi, saqë arrin të bëhen gjithnjë e më të dashura për publikun. Interesi për ASMR ka shpërthyer praktikisht në dhjetë vitet e fundit, që kur u krijua termi. Pika e fillimit ishte një video e shkurtër me pëshpëritje në YouTube në vitin 2009, e cila që atëherë ka krijuar një fenomen të madh dhe është bërë virale. Të ashtuquajturit "ASMRtists" - domethënë ata që bëjnë ASMR - mbledhin miliona shikime në videot e tyre, të cilat mund të nxisin këtë gjendje relaksi euforik të ngjashëm me ekstazën.
Çfarë është ASMR?
ASMR është termi i përdorur për të përshkruar ndjenjën që njerëzit marrin kur shikojnë video stimuluese. Akronimi është për "përgjigje meridiane shqisore autonome", dhe megjithëse termi mund të tingëllojë shumë teknik, në fakt nuk ka gjetje të rëndësishme shkencore. Emri i fenomenit besohet të jetë shpikur në vitin 2010 nga Jennifer Allen, e cila filloi një grup në Facebook. Termi u përhap shpejt pasi njerëzit më në fund gjetën një mënyrë për t'iu referuar ndjenjës së këndshme që po përjetonin. Si fillim, videot ASMR njihen për aftësinë e tyre për të nxitur një gjendje relaksi dhe për të lehtësuar stresin. Tingujt e butë dhe lëvizjet e kujdesshme të paraqitura në këto video krijojnë një mjedis qetësues, duke siguruar një arratisje nga nxitimi i jetës së përditshme.
Shumë individë i drejtohen ASMR-së si një formë terapie relaksuese, duke gjetur ngushëllim./ZËRI
