SHBA- Aktori Sylvester Stallone ka folur për djalin e tij të ndjerë, Sage, në dokumentarin e tij të ri të Netflix. Sage, i cili vdiq tragjikisht në moshën 36-vjeçare nga sëmundja koronare e zemrës në korrik 2012, luajti rolin e djalit të Rocky Balboa, Robertit në filmin e vitit 1990 "Rocky V". Në komplotin e filmit, personazhi i Sage, Robert u ndje i lënë pas dore ndërsa babai i tij fokusohej në mentorimin e të rinjve, boksieri Tommy Gunn, i luajtur nga Tommy Morrison.
Në dokumentar, aktori 77-vjeçar bën një sërë zbulimesh nga jeta personale, duke thënë se "për fat të keq", skena të shumta në filmin e vitit 1990 "Rocky V" janë nxjerrë nga marrëdhënia e tij reale me djalin e tij. Stallone, i cili shkroi skenarin për filmin, ku luajtën gjithashtu Talia Shire dhe Burt Young, tha se kur shkruante, ai i vendoste personazhet e tij në situata që ai vetë kërkonte të ishte.
"Po përpiqem të marr diçka që në fakt është ajo që do të kisha dashur të kisha bërë në jetën reale, por nuk munda ta bëja. Dhe kaq shpesh e kam bërë në mënyrë teatrale, magjike... shumë prej tyre janë të vërteta. Fatkeqësisht, ne i vendosim gjërat mbi familjen tonë dhe efektet janë mjaft shkatërruese,'-u shpreh Stalone.
Aktori ka gjithashtu një vajzë 27-vjeçare,Sophia, Sistine 25-vjeçare dhe Scarlett-in 21 vieç me gruan e tij Jennifer Flavin. Si dhe një djalë nga martesa e tij e parë.
