TIRANË-Këngëtarja Filoreta Raçi, e njohur si Fifi ka folur rreth marrëdhënies së saj me partnerin dhe planet familjare. Fifi ndër të tjera është ndalur dhe te marrëdhënia e djalit të saj me vëllain e tij, Troin, djalin e Adis Patushit me ish-bashkëshorten, Adrola Dushi.
Këngëtarja deklaroi se i biri dhe djali i modeles s’takohen shpesh për shkak se jetojnë në dy kontinente të ndryshme, por shtoi se kur Troi të vijë në Shqipëri do rrinë së bashku.
“Djali im e ka një vëlla, prandaj nuk po nxitoj që t’ia bëj një vëlla ose motër tjetër. Çunat nuk takohen shpesh sepse vëllain e ka në Amerikë, kur të vijë do të takohen”, u shpreh Fifi në “Kurthin e Piter Pan”.
Këngtarja shtoi se pavarësisht se Adis Patushi i propozoi për martesë në skenë, ende nuk janë martuar.
“Nuk jam martuar, vetëm jam fejuar. E bëra bebin se ashtu qëlloi, erdhi nga Zoti, pastaj pasi bëra bebin, u rrit i çik bebi, atëherë më propozoi më tha ‘do të martohesh me mua’. Por akoma s’jam martuar”, tha ajo.
