ROMË- “Diss-i” mes Tony Effe dhe Fedez, që dikur ishin miq ka marrë vëmendjen e publikut. Pasi Effe publikoi një këngë ku përmendi emrin e Chiara Ferragni dhe fëmijëve, nuk u vonua dhe erdhi menjëherë përgigja e Fedez me këngën “Allucinazione collettiva”. Kjo këngë përveçse i përgjigjet ish-mikut të tij, Effe, gjithashtu flet edhe për marrëdhënien e tij me Ferragnin.
Para se Fedez të publikonte këngën ai tha se nuk do të “kursehej” ndaj askujt dhe se do të tregohej i sinqertë. Në këngë ai ka folur për ndjenjat e tij gjatë 10 muajve të fundit dhe procesin e ndarjes nga Ferragni, që sipas tekstit nuk ka qenë i lehtë.
Fjalët e reperit për Chiara Ferragni janë të ashpra. Ai gjithashtu i adresohet dhe thashethemeve për tentativë vetëvrasjeje që sipas këngës u përhapen nga avokati i saj, por po ashtu nuk kursen as personat që shtiren si miqtë e saj.
“Thuaji avokatit tënd që më ka akuzuar për tentativë vetëvrasjeje, që të kërkoj falje, kërkoj ndjesë fansave për shqetësimin. Kam marrë pikat dhe jo copa xhami sepse e dija që nuk doje të ndotej tapeti, çfarë dreq humbjeje. Vlera dhe ideale, margaritarë për derrat, punët tona të shpalosura në sheshin e tregut.
Lidhja jonë është një garë për të gjetur zgjidhje, derisa një gjyqtar të na ndajë. Kujto Sanremon, u bë e zezë për një histori rozë. Ti që më largon nga shtëpia dhe unë që flak Prozac-un. Shih miqtë e tu, janë yes-men, të lumtur që jemi ndarë. Janë parazitë, asgjë e madhe, unë i urreja ata, por ty të doja. Dhe megjithatë e di që më ke dhuruar gjërat më të bukura që kam.
Me ty kam jetuar gjëra që nuk do t’i jetoj më kurrë. Gabon nëse mendon që nuk të kam dashur kurrë, për ty do të kisha vrarë, por ti më ndalove. Jeta të lëndon, koha të shëron, dashuria zhduket, por nuk kuptohet. Dhe unë ende pyes veten nëse ka një fund të lumtur për një përrallë të trishtuar dhe të shtrembër. Nëse do të kisha qenë një tjetër unë, një tjetër ti, ndoshta do të ishte një histori krejt tjetër. Ti je shpërqendrimi më i bukur që kam parë ndonjëherë", thuhet në një pjesë të këngës së tij.
Ndërsa, para se kënga të publikohej Chiara tha se sonte nuk do të ketë një "diss" që ka tërhequr vëmendjen e të gjithëve, por një këngë romantike dhe jo e sinqertë.
"Këtë mbrëmje nuk do të ketë një këngë tjetër diss që ju ka argëtuar shumë, por një këngë romantike false, pa sinqeritet. Një përpjekje e qartë për të shfrytëzuar momentin, një akt i dhunshëm, pasi këto 10 muajt kanë qenë shumë të vështirë. Po mundohem të eci para pavarësisht gjithçkaje dhe kërkoj të jem jashtë këtyre lojërave”, tha Ferragni.
Deklarata e saj, duket qartë se nuk beson asgjë nga fjalët e Fedez dhe se edhe njëherë kërkon që emri i saj dhe i të fëmijëve të mos përdoret në asnjë mënyrë nga reperi. /ZËRI
