SHBA- Teksa ish-partnerja reperit "Diddy", Cassie ka ngritur një padi kundër tij se e ka përdhunuar gjatë kohës që ishin bashkë dhe e ka dhunuar dhe për një periudhë kohore, janë publikuar edhe pamjet e dhunës.
Në pamje shokuese të kamerave të sigurisë ylli amerikan i muzikës Diddy shihet që sulmon brutalisht ish-të dashurën Cassie në një hotel në Los Angeles në 2016. Video e publikuar fillimisht nga CNN, tregon reperin, emri i vërtetë i të cilit është Sean Combs, që ndjek Cassie gjysmë i zhveshur në korridorin e hotelit InterContinental dhe e kap nga flokët para se të mbërrijë te ashensori, duke e përplasur përtokë. Diddy e qëllon me shkelm dhe më pas e tërheq në dhomë nga veshja e saj.
Pamjet nga InterContinental Hotel datojnë nga marsi 2016./ZËRI
