KOSOVË- Teksa rrjeti po "zien" për ndarjen mes tyre, Sara Hoxha dhe Ledri Vula nuk po gjejnë pajtim. Këngëtari mbremjen e djeshme (8 nëntor) ka publikuar projektin e tij të fundit muzikor të titulluar “Paranormal”, në rreshtat e së cilës flet edhe për Sara Hoxha dhe Dafina Zeqirin.
Më tej në videoklipin e këngës, në disa sekuenca shihet Ledri i veshur me ngjyrë të zezë dhe kjo ka bërë që të reagojë edhe partnerja e tij Sara. Në një postim të saj e veshur me të zeza, Sara Hoxha ka disa fjalë menjëherë pas publikimit të klipit, ku thotë se e zeza nuk është ngjyrë e mërzisë.
“E zeza nuk është mërzitshme, është poetike”, ka shkruar Sara krahas fotos.
Krisja mes dyshes aludohet prej kohësh, por së fundmi lajmi për ndarjen e tyre është konfirmuar nga Faton Shohi, i cili ka menaxhuar karrierën e këngëtarit.
