SHBA-Michael Jackson kishte më shumë se 500 milionë dollarë borxh në vitin 2009 kur vdiq përpara një turneu të planifikuar koncertesh, sipas dokumenteve të reja të gjykatës. NBCnews bllokimi i madh financiar në të cilin u gjend “Mbreti i Pop-it”, përshkruhet në një peticion të depozituar në Gjykatën e Lartë të Qarkut të Los Anxhelosit.
“Në kohën e vdekjes së Michael Jackson, asetet e tij kryesore ishin subjekt i më shumë se 500 milionë dollarë borxh dhe pretendime nga kreditorët, me një pjesë të borxhit të grumbulluar me interesa me norma jashtëzakonisht të larta dhe një pjesë të borxhit ishte në mospagim”, thuhet në deklaratë.
Para se të vdiste më 25 qershor 2009, Jackson po përgatitej të niste një turne të quajtur “This Is It”. Turneu ishte planifikuar me marrëveshjen e një angazhimi prej 50 koncertesh në O2 Arena të Londrës. Ai vdiq pak para turneut, gjë që e la pasurinë e tij të shtrënguar financiarisht për 40 milionë dollarë për promotorin.
Tani, paratë nga pasuria e Xheksonit kërkohen të përdoren për të rimbursuar avokatët dhe ata që merren me lëvizjet e nevojshme ligjore, si dhe shpenzime të tjera. Jackson po përballej gjithashtu me padi në disa shtete dhe vende kur vdiq, thuhej në peticion. Më shumë se 65 kërkesa të kreditorëve ishin paraqitur, gjë që shkaktoi më shumë padi. Megjithatë, vlera e pasurisë së tij është rritur që atëherë, duke arritur rreth 873 milionë dollarë në vitin 2020. Edhe pse Jackson falimentoi, muzika e tij nuk pushoi kurrë së gjeneruari shitje të mëdha pas vdekjes së tij.
Ai vdiq në rezidencën e tij në Los Angeles në moshën 50-vjeçare nga helmimi akut. Mjeku i tij u shpall fajtor për vrasje nga pakujdesia në vitin 2011 për sigurimin e drogës. Karriera e Jackson përfshinte 13 çmime Grammy, dy induksione në Hall of Fame Rock 'n' Roll dhe shitje mbi 400 milionë disqe./ZËRI
