ARGJENTINË- Duket se futbollisti Lionel Messi, nuk toleron asnjë kur bëhet fjalë për gruan e tij, Antonellën. Në dhjetor të vitit 2022, në Katar, kombëtarja e Argjentinës doli kampione e botës për herë të tretë në histori, por informacionet e zbuluar pas festës tronditën opinionin publik.
Gjatë emisionit “A la Tarde” u zbulua se Lionel Messi ka përjashtuar një bashkëlojtar nga skuadra. Ka qenë vendimi i Messit që Alejandro Papo Gomez nuk do të vishte më kurrë fanellën e Argjentinës. Gjithçka ka ndodhur gjatë festës së triumfit ndaj Holandës në gjysmëfinale të Botërorit.
Messi thuhet se është zemëruar nga komenti i papërshtatshëm i Alejandro Papo Gomez për gruan e tij Antonella.
'Në dhomën e zhveshjes, nuk e di saktësisht se pas cilës ndeshje, ndoshta pas Holandës, të gjithë janë të lumtur sepse kaluan. Të gjithë fillojnë të këndojnë dhe çfarë thotë Papu? 'Më jep Antonella'. Imagjinoni sytë me zjarr të Messit... Kartoni i kuq i menjëhershëm' – u zbulua në program.
Në Katar, Gomez luajti 58 minuta në ndeshjen e xhiros së parë kundër Arabisë Saudite, ndërsa ishte në fushë për 49 minuta në 1/16 kundër Australisë.
