SHBA- Lana Del Rey tashmë është martuar! Këngëtarja e njohur i ka dhënë fund beqarisë me Jeremy Dufresne, një specialist, i cili bën xhiro me varkë në ujërat e aligatorëve. Dyshja u bë e ditur se janë bashkë në fund të gushtit. Dufresne dhe Del Rey shkëmbyen betimet gjatë një ceremonie të vogël para familjes dhe miqve në Luiziana.
Del Rey u pa duke ecur me një fustan të bardhë me babanë e saj Robert Grant përpara dasmës. Ndërsa Dufresne kishte veshur një kostum të errët, jelek dhe këpucë lëkure ngjyrë kafe. Ceremonia u mbajt pranë Bayous des Allemends, ku Dufresne kryen turin e tij me varkë jashtë New Orleans.
Këngëtarja 39-vjeçare dhe Dufresne, të cilët thuhet se njihen prej vitesh (u shfaqën në një foto së bashku në Facebook në vitin 2019), fillimisht u përfol se ishin në lidhje pasi një video e TikTok që tregonte ata të kapur për dore u publikua këtë verë. Mes thashethemeve, Del Rey mohoi të ishte në një lidhje me Dufresne, por u fotografua sërish e kapur për dore me të në Nju Jork më 7 shtator, kur morën pjesë në dasmën e modeles Karen Elson.
Këngëtarja ishte e fejuar më parë me kolegun e tij muzikant Evan Winicker, sipas një raporti në Billboard nga marsi 2023. Megjithatë, martesa nuk u zhvillua kurrë, ndërsa Del Rey që deklaroi se ishte beqare gjatë një interviste me "Harper's Bazaar" në nëntor të të njëjtit vit./ZËRI
