GJERMANI- Nelson Weiper doli për pak kohë nga hija e Nick Woltemade me golin e tij të parë në Kampionatin Evropian U-21 kundër Anglisë. Ai synon të zëvendësojë Jonathan Burkardt në klub në të ardhmen. Por për cilin vend dëshiron të luajë? Ai është ende një nga lojtarët më të rinj në skuadrën e Gjermanisë për Kampionatin Evropian për ekipin e të rinjve.
Nelson Weiper është një lojtar që ka filluar të zhvillohet herët. Qendërsulmuesi nuk është vetëm lojtari dhe golashënuesi më i ri në historinë e Mainz 05, por 20-vjeçari mori pjesë edhe në Kampionatin Evropian U-21 dy vjet më parë dhe, të paktën teorikisht, mund të garojë ende në finalet e ardhshme në vitin 2025.
Edhe pse aktualisht mban fanellën e Gjermanisë, lojtari i lindur në Mainz ka ende një alternativë. Nëna e Weiper është nga Shqipëria, kështu që ai mund të luajë për kuqezinjtë. Edhe shqiptarët nuk po rrinë duarkryq.
"Ata më kanë kontaktuar dhe tashmë më duan për ekipin kombëtar të të rriturve. Është vërtet një burim krenarie kur ekipi i të rriturve të një vendi të dëshiron. Dua të tregoj talentin tim në ekipin gjerman U21 dhe të luaj për Gjermaninë sa më gjatë të jetë e mundur. Nëse gjërat nuk funksionojnë për Gjermaninë në një moment, e shoh Shqipërinë si një mundësi shumë të mirë,"-zbuloi Weiper për mediat gjermane.
Aktualisht, sulmuesi është pjesë e Gjermanisë U-21 në Europian, me të cilët ka treguar paraqitje shumë të mira, ndërsa gjeti edhe rrugën e rrjetës ndaj Anglisë./ZËRI
