TIRANË- Julian Deda është një nga personazhet e njohur që thuhet se do të jetë një nga banorët e "Big Brother VIP 3". Sa i përket zërave Juli nuk dha asnjë përgjigje konkrete, por i ka lënë ndjekësit dhe fansat në pritje.
Ditën e sotëm ai ka zhvilluar një bisedë me ndjekësit e tij live në instagram, teksa drejtonte automjetin në rrugët e kryeqytetit. Një nga komentuesit i kërkoi të mbajë kupën e Big Brother Vip në Shkodër, pas fitores së Luiz Ejllit në edicionin e shkuar.
Juli nuk dha asnjë përgjigje konkrete, por as nuk i mohoi lajmet në media duke kërkuar nga ndjekësit të presin edhe dy ditë për ta vërtetuar vetë nëse do jetë apo jo në BBV. Aktori ka ndarë një foto në "InstaStory", ku shkruan, “Loading”, duke lënë të kuptohet se diçka po vjen.
Në 13 Janar do të startojë zyrtarisht edicioni i tretë i i Big Brother Albania Vip, ku drejtimi i këtij edicioni i është besuar Ledion Liços./ZËRI
