SHBA- Aktorja Jennifer Aniston ka nxitur thashethemet se është në një marrëdhënie të re dashurie, madje dhe se është fejuar. E gjitha pasi në eventin "SAG Awards" u shfaq me një unazë në dorë. Ylli i “Friends”, e cila më parë ishte martuar me aktorin e Hollivudit, Brad Pitt dhe më vonë me Justin Theroux, besohet se është fejuar edhe pse për momentin nuk dihet se me kë është e lidhur.
Aktorja, 55 vjeçe, u nominua për rolin e saj në The Morning Show.
Ajo gjithashtu doli në skenë së bashku me Bradley Cooper për t'i dhënë Barbra Streisand çmimin SAG Lifetime Achievement. Por vëmendjen e mori unaza e saj, pasi që prej ndarjes nga Theroux, Aniston nuk është përfolur se ishte e lidhur me askënd për pesë vitet e fundit. Një person i afërt me të i tha "Heat" ajo ishte në kërkim të një mashkulli që nuk kishte lidhje me industrinë pasi nuk mund të përballej më me gjithë egon e tyre.
Pra kërkon të kundërtën e ishëve të saj.../ZËRI
