ARGJENTINË- Pas 25 ndeshjesh fitore, Argjentina regjistroi humbjen e parë në takimin për kualifikueset e Botërorit 2026. Argjentina ka humbur në shtëpi ndaj Uruguait me rezultat 0-2, një ndeshje e tensionuar dhe më shumë kartonë nga të dyja ekipet.
Në minutën e 20 pas një faulli të dhënë, Rodrigo de Paul ofendoi Cristian Olivera. Nga ana tjetër Messi i cili hyri për të ndarë dyshen, i tensionuar i vë dhe duart në fyt kundërshtarit. Golat për Uruguain u shënuan nga Ronald Araujo (41’) për 0-1 dhe Darwin Nunez (87’) për 0-2.
Në anën tjetër, edhe Brazili humbi si mysafir i Kolumbisë me rezultat 2-1 shumë të barabartë. Selecao shënoi që në fillim me Martinellin, por festa zgjati vetëm në pjesën e parë. Në fraksionin e dytë, kolumbianët rritën presionin dhe brenda 4 minutash përmbysën gjithçka. Gjithsesi Argjentina vazhdon të kryesojë me 12 pikë, Uruguai renditet i dyti me 10 pikë, Kolumbia e treta me 9 pikë, ndërsa Brazili i pesti me 7 pikë.
