TIRANË- Dua Lipa mund t'i këtë hapur pak punë vetes...të paktën me 'Swifties' (fansat e Taylor Swift)! Këngëtarja 29-vjeçare, në intervistën e dhënë ndaj Anderson Cooper për "60 minutes" iu përgjigj kritikave se këngët që ajo interpreton nuk e shprehin botën e saj të brendshme.
Lipa u duk se mendoi për një moment, para se të përgjigjej dhe më pas tha: Disa njerëz janë kaq të pamëshirshëm me jetën e tyre private, saqë vendosin t'i nxjerrin të gjitha në një këngë, sepse e dinë se ajo do të tërheqë vëmendjen e njerëzve. Dhe për mua, ishte gjithmonë e rëndësishme të bëja muzikë që njerëzit e donin vërtet. Dhe jo sepse po marr klikime në kurriz të dikujt tjetër.
Megjithëse Lipa nuk përmendi asnjë emër, Swifties u sulën në rrjetin social "X" (ish-Twitter) për të ndarë zhgënjimet e tyre me deklaratën e saj. Një fanse komentoi: Dhe kjo është pikërisht arsyeja pse ajo nuk do të zgjasë në këtë industri. Askush nuk e di se kush është 'Dua Lipa' përveç yllit të lezetshëm të popit. Në mënyrë që një artist të lulëzojë dhe të krijojë një bazë fansash, audienca duhet të të jetë në gjendje të lidhet me diçka. Fansat nuk do t'ju mbështesin për muzikë pop pa shpirt."
Albumi më i fundit i Swift - Departamenti i Poetëve të Torturuar - të cilin e cilësojnë si emocional dhe personal, u bë albumi më i transmetuar në Spotify. Brenda një ditë grumbulloi 300 milionë transmetime./ZËRI
