TIRANË- Pas akteve të dhunës që shoqëruan ndeshjen KF Tirana – FK Partizani, Komisioni i Disiplinës dhe Etikës ka marrë masë përjashtimi për 14 tifozë, të cilëve u ndalohet hyrja në stadiumet e futbollit të Republikës së Shqipërisë.
Pas ndeshjes, tifozët u përleshën në Air Albania, duke shkaktuar kaos dhe dëme. Për këto ngjarje policia shoqëroi tetë pre tyre, ndërsa 14 tifozët e përjashtuar I shtohen listës së gjatë të të padëshiruarve në stadiume.
NJOFTIMI:
Pasi u njoh me relacionin e Sekretariatit Teknik, korrespondencën me policinë e shtetit lidhur me aktet e dhunës në ndeshjen KF Tirana – FK Partizani të zhvilluar më datë 03.12.2023, ku janë konstatuar shkelje të parashikimeve ligjore të nenit 48 e vijues të Ligjit 79/2021 “Për Sportin” si dhe pasi shqyrtoi dokumentacionin e paraqitur dhe diskutoi çështjet në tërësi duke u bazuar në nenin 59 e vijues të KDE vendosi:
Të ndalojë hyrjen në stadiumet e futbollit të Republikës së Shqipërisë ku zhvillohen veprimtari të organizuara nga FSHF për një periudhë të pakufizuar kohe personave të më poshtëm:
– Denis Ahmeti
– Renis Maçi
– Qemal Cano
– Endri Mesiti
– Juxhin Seferi
– Mishel Burreli
– Redi Sinani
– Erinol Dushaj
– Grejsi Sorra
– Lorjan Beqo
– Elvis Qatia
– Herald Huqi
– Donald Ismaili
– Armand Shëngjergji
Në bazë të Nenit 7 të KDE, udhëzohen të gjithë anëtarët e FSHF të cilët kanë nën administrim stadiume futbolli, të garantojnë zbatimin e këtij vendimi. /ZËRI
