SHBA- Aktori Ben Affleck po shkakton tension mes bashkëshortes së tij, Jennifer Lopez dhe ish-partneres Jennifer Garner për shkak të zakonit të tij të pirjes së duhanit. Raportet e mediave thonë se paaftësia e aktorit për të lënë duhanin po shkakton probleme në marrëdhëniet e tij si me gruan e tij aktuale, ashtu edhe me ish-in.
Lopez dhe Garner janë në mosmarrëveshje sepse Garner i konsideron cigaret "të neveritshme" dhe i ka kërkuar Affleck të mos pijë duhan pranë fëmijëve të tyre. Çifti ka tre fëmijë nga lidhja e tyre 14-vjeçare, e cila filloi në 2004, përpara se aktori të fillonte të takohej përsëri me Lopez në 2021.
Nga ana tjetër Jennifer Lopez beson se cigarja e ndihmon burrin e saj të menaxhojë stresin dhe të ruajë maturinë e tij, pasi Affleck ka pasur një problem serioz me pijen. Publikimi në revistën Star thekson se ajo e toleron zakonin e tij të keq, megjithatë do të preferonte të mos pinte duhan sepse era e shqetëson.
Përplasjet mes tyre dhe Ben Affleck kanë çuar në tensione, me Garner që shpreh pakënaqësinë e saj ndaj Lopez./ZËRI
