TIRANË- Atletja Luiza Gega duket se është mhaft e pakënaqur me Ministrinë e Arsimit dhe Sportit. Pavarësisht asaj që ka dhënë për Shqipërinë, Gega ka marrë shumë më pak se sa i takon dhe sipas saj nuk është shpërblyer për punën e saj.
Së fundmi kampionia e evropës ka reaguar me anë të një statusi në rrjetet sociale duke i bërë thirrje ministrisë së Arsimit dhe Sportit që të marrë shpërblimet që i takojnë. Ndër të tjera ajo shkruan se për gjithë investimin e saj ka filluar të marrë shpërblim vetëm në dy vitet e fundit.
Shkrimi i plotë nga Luiza Gega:
Sot e nisëm ditën me doping control. Në fakt shumë po shumë ditë të vitit janë të tilla ku që në pikë të mëngjesit je i detyruar të bësh gjak dhe urinë. Kam që në 2023 që jam në këtë sistem dhe më pëlqen fakti sepse vërtetë dua t’u tregoj qoftë të gjithë sistemeve apo qoftë dhe të rinjve që gjërat e mëdha arrihen dhe duke punuar fort.
Dhe me gjithë respektin nuk ka asnjë sportist në historinë e Shqipërisë të ketë kryer kontrolle aq sa kryej unë brenda gare & jashtë gare. Dhe si për çudi dje marr vesh që ministria e Arsimit dhe Sportit nuk më jep shpërblim për një aktivitet ku nuk paska patur kontroll, ku sportisten nuk e dinë nëse ka apo s’ka kontroll, por detyra jonë është të jemi gati sa herë na kërkojnë për të bërë kontroll.
E di çfarë më vjen keq? Që kam gjithë jetën time që investoj dhe vetëm dy vitet e fundit me ndryshimet e (VKM) kam arritur të marr diçka, sigurisht me djersën time asgjë po asgjë të falur. Edhe këtu gjithmonë gjejnë formë për të bezdisur.
