SHBA- Duke zgjedhur sloganin 'It's Glowtime' (Është koha për të shkëlqyer!), Apple prezantoi modelin e ri të iPhone 16. Sipas Apple, iPhone 16 i ri është dy herë më rezistent, me risi të dukshme në trajtimin e tij është butoni "Kontrolli i kamerës" në anën e pajisjes.
PREZANTIMI SHKURT:
Po ashtu, risi është edhe butoni “Action” (Vepro) të cilin përdoruesi mund ta personalizojë sipas preferencave të tij, duke programuar funksionet që do të donte të aktivizonte duke e shtypur.
Zyrtarët e kompanisë treguan se si me inteligjencën artificiale iPhone 16 mund të "lexojë" mjedisin në mënyra të ndryshme, duke ofruar informacione drejtpërdrejt tek përdoruesi. iPhone 16 madje mund të krijojë një emoji krejtësisht të ri, sipas dëshirave të gjithësecilit.
Risitë e iPhone 16 - "Kontrolli i kamerës", butoni "Vepro" dhe inteligjenca artificiale
Në prezantimin e iPhone të ri, Tim Cook fillimisht deklaroi se iPhone 16 është projektuar tërësisht i bazuar në specifikimet e Apple Intelligence, pra aplikacionet e Inteligjencës Artificiale të zhvilluara nga Apple. Për sa i përket karakteristikave të jashtme, megjithëse nuk ndryshon shumë nga paraardhësi i tij, iPhone 16 i ri është dy herë më rezistent. iPhone 16 është i disponueshëm në dy madhësi ekrani, të njohura dhe të vendosura 6.1 dhe 6.7 inch, ose ndryshe 15.4 dhe 17 cm.
Rezolucioni i kamerës që ka iPhone 16 është 46 Megapiksel dhe i ofron përdoruesit ekuivalentin e një kamere me 4 lente të ndryshme. Por përveç kësaj, falë Inteligjencës Artificiale, është e mundur të bëni fotografi me një ndjenjë tredimensionale, "hapësinore".
iPhone përbën 50% të shitjeve totale të produkteve të markës Apple, gjë që mjafton për të nënvizuar rëndësinë e tij për kompaninë.
Vetëkuptohet që tregu global i smartfonëve është jashtëzakonisht konkurrues, me prodhuesit aziatikë që sfidojnë vazhdimisht Apple, duke testuar risi të ndryshme, si ekrani i palosshëm – që supozohet se do të jetë me tre pjesë – e kështu me radhë. Pavarësisht kësaj, Apple reziston dhe tremujori i dytë i 2024-ës ishte produkti më i shitur./ZËRI
