Paraqitja e jashtëzakonshme e portierit 37-vjeçar të Kurasaos, Eloy Room, në barazimin pa gola ndaj Ekuadorit, ka hyrë në librat e historisë së Kupës së Botës.
Me 15 pritje ai u bë jo vetëm heroi i kombit të vogël me rreth 150 mijë banorë, por edhe vendosi një rekord në Botëror. Ai rregjistroi numrin më të madh të pritjeve në një ndeshje Botërori pa përfshirë kohën shtesë. Për pasojë ai po përjeton të njëjtën gjë si portieri i Kepit të Gjlbër Vozinha, i cili mori miliona ndjekës në rrjetet sociale pas ndeshjes me Spanjën.
Ky rezultat i dha Kurasaos pikën e parë historike në pjesëmarrjen e tyre të parë si debutues në një Botëror. Ndërkohë, në po të njëjtin grup, Gjermania ka siguruar tashmë kreun, Bregu i Fildishtë është shumë pranë kualifikimit, ndërsa gara mbetet e hapur për vendin e tretë që mund të dërgojë një tjetër skuadër tutje.
