BERLIN- Ish-futbollisti gjerman, Michaell Ballack, ka reaguar pas spekulimeve të shumta në media në lidhje me të dashurën e tij të re Sophia Shneiderhan. Në media u raportua se 48-vjeçari dhe e dashura e tij 24-vjeçare u njohën pas aksidentit tragjik të djalit të tij, i cili humbi jetën në vitin 2021.
Sipas mediave gjermane, e reja ishte shoqja e djalit të tij, por Ballack i ka përgenjështruar këto lajme dhe paralajmëroi se do të marri veprime ligjore ndaj atyre që po spekulojnë lajme të tilla.
“Për shkak të raportimeve të mediave aktualisht, ndjehem i detyruar që të bëj sqarimin në vijim. Partnerja ime Sofia nuk ka qenë as ish-partnerja e djalit tim të ndarë nga jeta dhe as shoqe e tij. Ne do të ndërmarrim hapa ligjorë ndaj këtyre të pavërtetave dhe kërkojmë që të respektohet privatësia jonë”, shkruhej në postimin e ish-kapitenit të Gjermanisë. /ZËRI
