KOSOVË- Duket se Olsa Muhameti dhe Einxhel Shkira nuk janë ndarë 'paqësisht' pas mospranimit të rolit si opinioniste në BBVK3 nga kjo e fundit. Vetë Einxhel e konfirmoi mbrëmjen e djeshme duke folur hapur në emisionin “Goca dhe Gra”.
Në rrjet, prej kohësh spekulohej për një përplasje mes tyre, dhe Einxhel sqaroi publikisht arsyen që e bëri të refuzonte të ulej në karrigen e opinionistes së Big Brother VIP Kosova.
Kjo deklaratë duket se nuk i shpëtoi vëmendjes së vetë Olsa Muhametit, e cila i është përkushtuar plotësisht BBVK këtë vit. Menjëherë pas transmetimit, Olsa reagoi në Instastory duke i drejtuar një mesazh të nënkuptuar Einxhelit: “Kur mendon se po gënjen të tjerët, por në fakt po gënjen veten tënde. Më dhimbsesh!”
Ky reagim i Olsa Muhametit ka ngjallur interes dhe debat në rrjet, duke hapur një tjetër 'kapitull' në historinë e përplasjeve mes figurave publike të përfshira në produksionin e Big Brother./ ZËRI
