SPANJË- Lamine Yamal, i riu spanjoll që po shkëlqen me talentin e tij, u bë golashënuesi më i ri në historinë e El Clasico, duke shënuar në minutën e 77-të dhe duke kaluar Barcelonën në epërsi 3-0 kundër Real Madridit në Santiago Bernabeu. Me këtë gol, Yamal theu rekordin e golashënuesit më të ri të mëparshëm, të mbajtur nga Alfonso Navarro, i cili shënoi në moshën 17 vjeç e 356 ditë për Barcelonën në një ndeshje kundër Realit.
Sipas mediave vendase, në moshën 17 vjeç e 106 ditë, Yamal lë pas edhe rekordin e Vicky Lopez në futbollin e femrave, e cila shënoi në moshën 17 vjeç e 116 ditë për Barcelonën. Ky është një tjetër moment historik për futbollin spanjoll, ku emra si Ansu Fati dhe Gavi kanë lënë shenja në këtë sfidë epike, por Yamal ka vendosur një standard të ri.
Golashënuesit më të rinj në El Clasico për meshkuj:
1. Lamine Yamal (Barcelona) - 17 vjeç, 106 ditë
2. Alfonso Navarro (Barcelona) - 17 vjeç, 356 ditë
3. Ansu Fati (Barcelona) - 17 vjeç, 359 ditë
4. Raul (Real Madrid) - 18 vjeç, 95 ditë
5. Gavi (Barcelona) - 18 vjeç, 163 ditë
Pas debutimit në ekipin e parë të Barcelonës sezonin e kaluar, Yamal ka vazhduar të rritet, duke fituar Kampionatin Evropian me Spanjën në vitin 2024. Me pesë gola dhe shtatë asistime për Barcelonën këtë sezon, ai gjithashtu u bë golashënuesi i dytë më i ri në Ligën e Kampionëve të UEFA-s, duke ndjekur gjurmët e Ansu Fatit./ ZËRI
