MEKSIKË- Pas pritjes së gjatë, Kupa e Botës 2026 nis zyrtarisht sonte. Meksika, një nga tre vendet organizatore dhe e para që pret këtë turne për herë të tretë, do të përballet me Afrikën e Jugut në ndeshjen hapëse.
Stadiumi legjendar “Azteca” në Mexico City është gati të presë tifozët dhe të shfaqë atmosferën festive të startit të turneut. Vendasit kërkojnë një fillim me fitore, ndërsa skuadra afrikane shpreson të surprizojë që në ndeshjen e parë.
Për këtë sfidë, drejtësinë në fushë do ta vendosë gjyqtari brazilian Wilton Sampaio.
Formacionet zyrtare për ndeshjen janë publikuar, duke zbuluar se cilët lojtarë do të nisin nga minuta e parë dhe si pritet të zhvillohet takimi. Ky start shënon fillimin e një muaji futbolli që premton emocione dhe momente historike.
