UASHINGTON- Shtëpia e Bardhë ka reaguar pas lajmit të Washington Post, ku thuhej se kishte pezulluar ngrirjen e fondeve federale. Përmes një deklarate zyrtare, Shtëpia e Bradhë ka shkruar se vendimi për ngrirjen e fondeve federale “Mbetet në fuqi”. Më herët mediat ndërkombëtare publikuan një artikull se zyra e buxhetit e Shtëpisë së Bardhë kishte revokuar një urdhër për ngrirjen e granteve federale, pasi kjo kishte shkaktuar kaos dhe shqetësim.
Sipas dokumentit të ndarë për agjencitë federale, Matthew J. Vaeth, drejtor i përkohshëm i Zyrës së Menaxhimit dhe Buxhetit (OMB) të Shtëpisë së Bardhë, deklaronte se memorandumi M-25-13 i OMB "është revokuar", por menjëherë pas kësaj reagoi Shtëpia e Bardhë duke e mohuar këtë lajm. Ditën e sotme Ambasada Amerikane në Tiranë i dërgoi një notë diplomatike të gjithë institucioneve shqiptare duke i lajmëruar se do t'u ndërpritet menjëherë mbështetja dhe fondet.
LISTA E INSTITUCIONEVE:
Ky shërben si njoftim zyrtar për Qeverinë e Republikës së Shqipërisë. Ambasada e Shteteve të Bashkuara të Amerikës kërkon që ky njoftim të ndahet me të gjitha Ministritë, institucionet dhe entitetet e tjera qeveritare përkatëse që bashkëpunojnë përmes programeve ekzistuese të ndihmës së huaj të SHBA-ve, duke përfshirë:
Ministria e Financave, përfshirë Agjencinë e Inteligjencës Financiare
Ministria e Brendshme, duke përfshirë Policinë e Shtetit Shqiptar, Agjencinë e Mbikëqyrjes së Policisë dhe Qendrën e Koordinimit Kundër Ekstremizmit të Dhunshëm.
Ministria e Bujqësisë dhe Zhvillimit Rural
Ministria e Drejtësisë, përfshirë Drejtorinë e Përgjithshme të Burgjeve
Ministria e Mbrojtjes
Ministria për Evropën dhe Punët e Jashtme
Ministria e Arsimit dhe Sportit
Ministria e Turizmit dhe Mjedisit
Ministria e Shëndetësisë dhe Mirëqenies Sociale
Ministria e Shtetit për Rininë dhe Fëmijët
Ministria e Shtetit për Pushtetin Vendor
Ministria e Ekonomisë, Kulturës dhe Inovacionit
Ministria e Infrastrukturës dhe Energjisë, duke përfshirë Korporatën Elektroenergjetike Shqiptare (KESH), Operatorin e Sistemit të Transmetimit (OST), Operatorin e Shpërndarjes së Energjisë Elektrike (OSHEE) dhe Bursën Shqiptare të Energjisë (ALPEX)
Ministria e Shtetit për Administratën Publike dhe Kundër Korrupsionit
Ministria e Shtetit për Marrëdhëniet me Parlamentin
Parlamenti, duke përfshirë komisionet e tij
Këshilli i Lartë Gjyqësor
Këshilli i Lartë i Prokurorisë
Gjykata Kushtetuese
Gjykata e Lartë
Të gjitha gjykatat, përfshirë gjykatat e apelit, gjykatat administrative të apelit dhe gjykatat e shkallës së parë
Struktura e Prokurorisë së Posaçme Kundër Korrupsionit dhe Krimit të Organizuar, duke përfshirë Prokurorinë Speciale dhe Byronë Kombëtare të Hetimit
Gjykata e Shkallës së Parë të Posaçme Kundër Korrupsionit dhe Krimit të Organizuar
Gjykata e Posaçme e Apelit Kundër Korrupsionit dhe Krimit të Organizuar
Zyra e Prokurorit të Përgjithshëm
Inspektori i Lartë i Drejtësisë
Komisioni i Pavarur i Kualifikimeve, Operacioni Ndërkombëtar i Monitorimit dhe Dhoma e Posaçme e Apelimit
Autoriteti Kombëtar i Sigurisë Kibernetike (AKSK)
Agjencia Kombëtare për Shoqërinë e Informacionit (AKSHI)
Ministria e Shtetit dhe Zyra e Kryenegociatorit
Agjencia Shtetërore për Programimin Strategjik dhe Koordinimin e Ndihmës (SASPAC)
Të gjitha pushtetet lokale
Tashmë, do të mbetet për t'u parë nëse për drejtësinë e re do të ketë një rikthim të mbështetjes nga Amerika. Vendimi i Trumpit kërkon që për 90 ditë të ketë një shqyrtim se ku shkojnë fondet dhe nëse dilet në përfundimin se përputhen me vlerat dhe qëllimet e SHBA-ve, do të vazhdojnë që të shpërndahen. Ky mund të jetë edhe rasti i institucioneve të reja të drejtësisë./ZËRI
