TIRANË- Kreu i Komisionit Qendror të Zgjedhjeve, Ilirjan Celibashi u ka dhënë mandatet e deputetëve sot kandidatëve të zgjedhur më 11 maj në qarqet Kukës, Korçë, Lezhë e Gjirokastër. Kjo lëvizje vjen pasi Kolegji Zgjedhor certifikoi zgjedhjet në këto 4 qarqe. Partia Socialiste në Kukës ka fituar 1 mandat, në Korçë, 6 mandate, në Lezhë 3 mandate dhe Gjirokastër, 3 mandate. Nga ana tjetër, Partia Demokratike-ASHM në Kukës ka fituar 2 mandate, në Korçë 4, në Lezhë 4 dhe Gjirokastër 1 mandat. Nga ana tjetër, rezultati në qarkun Elbasan nuk është certifikuar ende.
Shpërndarja e mandateve:
Kukës
PD-ASHM – 2 mandate
Flamur Hoxha
Isuf Çelaj
PS – 1 mandat
Eduard Shalsi
Korçë
PS – 6 mandate
Niko Peleshi
Romina Kuko
Genti Lakollari
Ilirian Pendavinji
Bledi Çomo
Besa Spaho
PD-ASHM – 4 mandate
Ivi Kaso
Ledina Alolli
Bledjon Nallbati
Fidel Kreka
Lezhë
PD-ASHM – 4 mandate
Agron Gjekmarkaj
Elda Hoti
Gjin Gjoni
Kastriot Piroli
PS – 3 mandate
Ulsi Manja
Ermal Pacaj
Marjeta Neli
Gjirokastër
PS – 3 mandate
Mirela Furxhi
Termet Peci
Piro Dhima
PD-ASHM -1 mandat
Tritan Shehu
Ndërkohë që çështja është ende në Komisionin e Ankesave dhe Sanksioneve, pasi ende po rinumërohen votat e qarkut Tiranës. Po ashtu, për t'u rinumëruar janë edhe qarqet e Fierit dhe Durrës./ZËRI
