TIRANË- Ka nisur sërish sot seanca për Komisionin Hetimor të rrjedhjes të së dhënave të sistemit TIMS. Sot pritet që në Komision të dëshmojë ministri i Brendshëm, Taulant Balla; drejtori i Përgjithshëm i Policisë së Shtetit, Muhamet Rrumbullaku dhe ish-drejtori i Departamentit të IT në Policinë e Shtetit, Ervin Muça. Por Balla, pa shkuar në sallë ka paraqitur një kërkesë për deputetët që e presin që ta marrin në pyetje në sallë. Me anë të një shkrese Balla ka kërkuar që mbledhja të mbahet me dyer të mbyllura. Kjo për shkak se sipas tij, informacionet që ai disponon për këtë çështje bazohen në dokumentacion dhe të dhëna të klasifikuara si “sekret shtetëror” ndaj duhet që takimi të mbahet me dyer të mbyllura. Po ashtu kërkon që të gjithë anëtarët e komisionit duhet të jenë të pajisur me Certifikatë Sigurie Personeli (CSP).
"Bazuar në Ligjin nr.106/2023, “Për disa shtesa dhe ndryshime në ligjin nr. 8891, datë 2.5.2002, “Për organizimin dhe funksionimin e komisioneve hetimore të Kuvendit”, anëtarët e mazhorancës do të kërkojnë hedhjen në votim të këtij propozimi dhe pas vendimarrjes do të vijohet me seancën e dëshmisë së Ministrit të Brendshëm, kreut të Policisë së Shteti dhe ish-drejtorit të Departamentit të IT në Policinë e Shtetit,"-shkruhet ndër të tjera në kërkesën e bërë nga ministri i Brendshëm.
Si kundërpërgjigje, Salianji me statusin e kryetarit të Komisionit nuk e ka pranuar propozimin duke u shprehur se deri më tani në sekretari nuk është depozituar asnjë dokument të cilësuar si "sekret".
vijon...
