TIRANË- Kryeministri Edi Rama nëpërmjet një postimi në Facebook, ka zbuluar se nesër në Shqipëri do të mbërrijë presidenti i Emirateve të Bashkuara në Shqipëri. Rama tha përmes një postimi në rrjetet e tij sociale se kjo do të jetë një vizitë speciale, duke shtuar se sheiku Mohammed bin Zayed Al Nahyan është një mik i ngushtë i tij dhe i shqiptarëve.
Më tej, kreu i qeverisë tha se vizita e tij në Shqipëri, shënjon një gur të rëndësishëm kilometrik dhe të një partneriteti të forcuar kohët e fundit. Teksa e përshkruan si një nga partnerët më të mirë në Shqipëri, Rama përmendi disa nga kontributet që ka dhënë në vendin tonë.
“Nesër kemi një vizitë shumë speciale. Për herë të parë zbret në Shqipëri si president i Emirateve të Bashkuara, sheiku Mohammed bin Zayed Al Nahyan, mik i vjetër i shqiptarëve dhe shumë i dashur i imi personalisht. Ai ka zbritur në Shqipëri më parë ’99, mbi pistën e Aeroportit të Kukësit, që u shtrua nga i ati, themeluesi i Emirateve të Bashkuara në mbështetje të vëllezërve dhe motrave të shpërngulur me dhunë nga Kosova.
Asokohe ata sollën ndihma shumë të mëdha, në atë pistë të shtruar enkas. Presidenti që nesër na nderon me vizitën e tij erdhi në këmbë të të atit. Vizita e presidentit të Emirateve dhe një nga udhëheqësit më të respektuar të botës së sotme shënjon një gurë shumë të rëndësishëm kilometrik në rrugën e të një miqësie dhe partneriteti që është forcuar shumë në vitet e fundit.
Bin Zayed ishte donatori më i madh pas tërmetit shkatërrimtar në Durrës. Lagja e re shembullore e rindërtimit në spital është financuar i gjithi nga ai. Ai nxiti marrëveshjen për portin turistik të Durrësit si dhe ishte kyç në marrëveshjen trepalëshe me Italinë për lidhjen nënujore të energjisë…,”- deklaroi Rama.
POSTIMI I KRYEMINISTRIT:
