TIRANË- Komisioni Qendror i Zgjedhjeve ka marrë një vendim për çdo subjekt zgjedhor duke iu lënë afat 24 orë kohë për heqjen e materialeve propagandistike. Kryetari i KQZ-së, Ilirjan Celibashi është shprehur se në çdo rast të mos zbatimit të këtij detyrimi ligjor, do të urdhërohet Policia Bashkiake për heqjen e materialeve të subjekteve zgjedhore. Në të njëjtin njoftim specifikojnë edhe qarqet e vendit në të cilat janë gjetur edhe shkeljet.
VENDIMI I KQZ:
I’u la kohë subjekteve zgjedhore 24 orë kohë për vendosjen e shënimit “Prodhuar nën përgjegjësinë ligjore të .... (vijon me emrin e subjektit zgjedhor)”, materialeve propagandistike dhe në rast të mos zbatimit të këtij detyrimi ligjor, do të urdhërohet Policia Bashkiake për heqjen e materialeve të subjekteve zgjedhore:
1. “Partia Socialiste e Shqipërisë”, në Durrës, Tiranë, Dibër, Gjirokastër, Elbasan;
2. “Partia Socialdemokrate e Shqipërisë”, në Dibër, Tiranë;
3. Koalicioni “Partia Demokratike – Aleanca për Shqipërinë Madhështore”, në Korçë, Tiranë, Delvinë, Dibër;
4. “Koalicioni Euroatlantik”, në Elbasan;
5. Partia Djathtas 1912” në Delvinë".
