HAGË- Gati dy muaj pas dënimit me 25 vite burg nga Gjykata Speciale në Hagë, ish-presidenti i Kosovës, Hashim Thaçi, ka bërë një tjetër reagim publik. Përmes një postimi në 'Facebook', Thaçi ka shprehur mirënjohjen për mbështetjen e qytetarëve, duke u zotuar se do të dalë i pastër në fund të këtij rrugëtimi.
“Dua t’ju shtrëngoj dorën secilit nga ju, t’ju përqafoj të gjithëve dhe t’ju siguroj se do të dalë me çdo qelizë time të pastër si loti në fund të këtij rrugëtimi, që vazhdon me ju dhe për ju”, shkruhet në postimin e Thaçit.
Më 16 shtator, Gjykata Speciale në Hagë e shpalli Thaçin fajtor dhe e dënoi me 25 vite burgim. Trupi gjykues e shpalli atë penalisht përgjegjës për krime që përfshijnë vrasje, torturë, trajtim mizor dhe ndalim të paligjshëm, të kryera gjatë luftës në Kosovë.
Në total, katër ish-krerët e UÇK-së u dënuan me 81 vite burgim në total nga Dhomat e Specializuara të Kosovës në Hagë. Ish-Presidenti i Kosovës, Hashim Thaçi, është dënuar me 25 vite burgim, ish-kryetari i Kuvendit, Kadri Veseli, me 18 vite, Rexhep Selimi me 13 vite, ndërsa Jakup Krasniqi me 25 vite burgim./ZËRI
