TIRANË- Emetimet e dioksidit të karbonit nga djegia e lëndëve djegëse fosile po thyejnë të gjitha rekordet këtë vit, sipas një studimi të publikuar nga shkencëtarët në Projektin Global të Karbonit. Sipas studimit emetimet globale të CO2 për shkak të lëndëve djegëse fosile do të arrijnë një nivel të paprecedentë në vitin 2024, në 37.4 miliardë ton, duke u rritur me 0.8% krahasuar me 2023.
Nëse shtohen emetimet e parashikuara për shkak të ndryshimeve të përdorimit të tokës, përfshirë shpyllëzimin, totali pritet të arrijë në 41.6 miliardë ton këtë vit (+2,5%). Emetimet totale të CO2 janë ulur gjatë dekadës së fundit, zbulojnë shkencëtarët në Projektin Global të Karbonit.
“Pasojat e ndryshimit të klimës janë gjithnjë e më dramatike, por ne nuk shohim asnjë shenjë se djegia e karburantit fosil ka arritur kulmin e sa”, tha Pierre Friedlingstein i Universitetit të Exeter, i cili udhëhoqi studimin njoftim për shtyp.
Për Glenn Peters të Qendrës për Kërkime Ndërkombëtare të Klimës me qendër në Oslo, bota është më afër të thyejë rekordet nga djegia e lëndëve djegëse fosile.
“Përdorimi i burimeve të rinovueshme (burimet e energjisë) po rritet ndjeshëm, si dhe makinat elektrike, por këto nuk mjaftojnë”, ka theksuar ai para gazetarëve.
Në vitin 2023, Komisioni Ndërkombëtar i Energjisë (IEA) vlerësoi se kulmi global i konsumit të formave fosile të energjisë (nafta dhe nënproduktet e saj, gazi natyror, forma të ndryshme të qymyrit) do të ketë ndodhur "para vitit 2030".
Me ritmin aktual, ekipi prej 120 shkencëtarësh që kontribuan në Buxhetin Global të Karbonit vlerësojnë një shans 50-50 që kufiri i ngrohjes prej 1.5°C të tejkalohet "përgjithmonë" brenda "rreth gjashtë viteve", me fjalë të tjera bota nuk po i afrohet qëllimit ambicioz të marrëveshjes së Parisit për klimën që u miratua në vitin 2015.
Emetimet e Kinës, ku bëhen emetimet më të mëdha të CO2 në botë (32% e totalit), pritet të rriten margjinalisht (+0.2%), por diapazoni i parashikimit përfshin një ulje të mundshme të lehtë.
Emetimet në SHBA (13% e totalit) pritet të ulen me 0.6%, ato të Indisë (8% e totalit) të rriten me 4.6%, ato të Bashkimit Europian (7% të totalit) të ulen me 3.8%.
Studimi gjithashtu thekson se nivelet aktuale të eliminimit të dioksidit të karbonit me mjete teknologjike, duke përjashtuar mjetet natyrore si ripyllëzimi, nuk kompensojnë emetimet për shkak të djegies së karburanteve fosile me më shumë se një të miliontën. /ZËRI
