ITALI- Tommaso Lo Presti, i lidhur me bandën "Portanuova" ka 'rinovuar' martesën e tij në të njëjtën kishë që prehen eshtrat e gjyqtarit italian Giovanni Falcone.
Lo Presti, i burgosur më parë për lidhje me mafian dhe për zhvatje, është liruar së fundmi nga burgu. Sapo doli, vendosi që të rinovonte martesën e tij në San Domenico, një nga kishat më të bukura në Palermo. Ky akt është marrë si fyerje e rëndë ndaj Falcones, i cili dha jetën për të luftuar mafian.
Kjo pasi edhe gruaja e tij, Teresa Marino, ishte arrestuar në të kaluarën për lidhje me mafian.
"Nuk e dinim kush ishin bashkëshortët,"-tha At Sergio Catalano, frat i kishës, i cili kremtoi 25-vjetorin e martesës së çiftit. Për mediat italiane shtoi se e kishte kuptuar se kush ishin dy personat vetë pasi lexoi shtypin e ditës.
"Kontrollet të tilla nuk janë në dorën tonë. Ka organe institucionale që duhet ta bëjnë".
Megjithatë, çifti mund ta bënte me lehtësi ceremoninë e tyre të artë të martesës kudo. Por fakti që dy mafiozët zgjodhën kishën ku ndodheshin eshtrat e magjistratit të vrarë nga mafia është përgjegjësi e atyre që kanë marrë përsipër menaxhimin e këtyre objekteve fetare./ZËRI
