SHBA- Ekzekutimi me gaz azot do të bëhet nesër në Amerikë duke shënuar herën e parë të përdorimit të kësaj metode kaq mizore, të cilën Organizata e Kombeve të Bashkuara e ka konsideruar si torturë. Vrasësi nga Alabama, Kenneth Smith, 58 vjeç, u dënua me vdekje për vrasjen e një gruaje në vitin 1988, u vendos të ekzekutohej me injeksion vdekjeprurës në nëntor 2022, por mbijetoi.
Alabama - një nga tre shtetet e vetme që ka legalizuar ekzekutimet me azot - vendosi që Smith të vritej me anë të azotit. Megjithëse shteti e quan metodën 'njerëzore', ekspertët thonë se ajo mund të shkaktojë dhimbje dhe poshtërim të tepruar, duke paralajmëruar se vrasësi mund të përfundojë në gjendje vegjetative në vend që të vdesë ose mund të mbytet për në vdekje nga të vjellat e tij. Megjithatë ekzekutimi është vendosur të kryhet ndërmjet orës 2 të mëngjesit të së enjtes dhe orës 6 të mëngjesit të së premtes.
Ngjashëm me një injeksion vdekjeprurës, Smith do të kontrollohet dhe do t'i lidhen krahët dhe këmbë para se të dërgohet në dhomën e ekzekutimit nga rojet. Më pas do t'i vendoset një maskë në fytyrë.
Kjo është një lloj maske që përdoret zakonisht në mjediset industriale për të dhënë oksigjen. Në rastin e Smith, ai do të detyrohet të marrë frymë me azot të pastër. Gardiani do të lexojë urdhërin e vdekjes dhe do ta pyesë Smith nëse ka ndonjë fjalë të fundit. Më pas, do të dalë nga dhoma dhe do të aktivizojë sistemin.
Shteti pretendon se duhet të duhen disa sekonda që gazi të lërë pa ndjenja Smith dhe nga 5-15 minuta derisa ai të vdesë./ZËRI
