SHBA- Një grua është shpëtuar pasi mbeti e bllokuar për 14 orë në makinën e saj e cila përfundoi në lumë pasi u aksidentua. Pamjet e shpëtimit të gruas që mbeti e bllokuar në ujërat e një përroi në Kaliforni po bëjnë xhiron e rrjetit.
Gruaja u përpoq të kalonte përroin pas shirave të dendur me makinën e saj, por automjeti u përmbys nga ujërat e vrullshëm dhe mbeti e bllokuar.
Ajo mbijetoi pasi u ngjit në makinën e përmbysur, ku kaloi natën derisa u vu re të nesërmen në mëngjes nga një person. Ai njoftoi autoritetet dhe një helikopter H-30 i Kalifornisë Highway Patrol mbërriti në vendngjarje për ta shpëtuar.
Sipas autoriteteve, gruaja ishte bllokuar në automjetin e saj që prej orës 19:00 të së hënës mbrëma. Ajo vuante nga hipotermia kur mbërritën mjekët, por fatmirësisht është jashtë rrezikut për jetën./ZËRI
