KOSOVË- Ministri i Jashtëm i Serbisë Ivica Daçiç ka komentuar veprimet e fundit në Zveçan, ku u hoqën tabelën në të cilën shfaqej Presidenti serb, Alekandër Vuçiç. Duke komentuar veprimet e ndërmarra nga institucionet e Kosovës, tha se ato po rrezikojnë serbët në Kosovë.
“Kurti do të ketë një milion ide për të theksuar diçka që nuk e ka e që është shtetësia. Ideja e tij është të kalojë në përshkallëzime të reja. Edhe në fletëvotime kanë shkruar Republika e Kosovës për të vërtetuar se kanë shtet. Problemi është se bashkësia ndërkombëtare e toleron këtë dhe thotë se nuk mund t’i bëjnë presion Kurtit. Epo, ata nuk mund të bëjnë asgjë”, tha Daçiç në një intervistë në Tv Pink.
Daçiç gjithashtu ka pretenduar se situata në lidhje me Kosovën është e turbullt, si dhe se duhet të kenë një politikë shtetërore që do të bazohet në ruajtjen e integritetit territorial dhe sovranitetit të Serbisë./ZËRI
