PODGORICË - Pjesëtarët e Sektorit Kundër Krimit (SBPK) kanë arrestuar sot shtetasin turk Binali Camgoz nën dyshimin se ka falsifikuar letërnjoftimet, njoftoi Ministria e Punëve të Brendshme (MPB).
“Policët e Sektorit Kundër Krimit (SBPK) sot në orën 13.00, kanë privuar nga liria personin në kërkim ndërkombëtar, Binali Camgoz, i lindur në vitin 1983, shtetas i Republikës së Turqisë, për shkak të dyshimit se ka kryer veprën penale të falsifikimit të letër-njoftimeve zyrtare, vepër që parashikohet nga neni 415 par.1 i Kodit Penal të Malit të Zi”, thuhet në njoftim.
Siç tha MPB, ekziston dyshimi i bazuar se Camgoz, gjatë themelimit të kompanisë juridike Lion & d.o.o Budva në vitin 2022, nëpërmjet një agjencie kontabël nga Budva, në Regjistrin Qendror të Subjekteve Biznesore në Podgoricë, ka përdorur një dokument të rremë turk me fotografi, me emrin Mehmet Alibajhan, me të cilin ka mashtruar nëpunësit civilë të Regjistrit Qendror të Subjekteve Afariste në Podgoricë, të cilët i kanë sjellë vendim për regjistrimin e kompanisë afariste.
“Në aktivitetet kriminale, i dyshuari Binali Camgoz figuron si bashkëthemelues në një pjesë pronësore me emrin Mehmet Alibajhan, ndërsa një shtetas tjetër turk figuron si drejtor ekzekutiv dhe bashkëthemelues”, thuhet në njoftim.
Ministria e Punëve të Brendshme theksoi se Camgoz është kreu i një grupi kriminal me rrezikshmëri të lartë, i njohur për kryerjen e krimeve të rënda në territorin e Turqisë dhe vendeve të tjera. “Për të njëjtin person është lëshuar urdhër-arrest ndërkombëtar nga organet gjyqësore të Republikës së Turqisë me qëllim procedimin penal për veprën penale të krijimit të organizatës kriminale, shkaktimi i plagosjes, kanosjes, shkeljes së ligjit për armët e zjarrit, shkaktimi i dëmit, grabitje, tentativë vrasje, ku veprat penale të përshkruara parashikohen nga Kodi Penal Turk”, thuhet në njoftim.
“Zyrtarët e Sektorit për Luftën kundër Krimit në periudhën e ardhshme do të vazhdojnë aktivitetet e zgjeruara proaktive dhe parandaluese, me qëllim vendosjen e kontrollit kriminal ndaj grupeve kriminale me rrezikshmëri të lartë, të cilat përmes veprimtarisë së tyre dhe vendosjes së lidhjeve bashkëpunuese me grupet kriminale në nivel ndërkombëtar, po përpiqen të shkaktojnë shqetësim publik dhe të minojnë sistemin ekonomik të Malit të Zi. Zyrtarët e SBPK-së mbeten të vendosur për të penguar synimet e tyre, të cilat mund të ndikojnë në situatën e përgjithshme të sigurisë në Mal të Zi”, përfundon deklarata.
Më 6 korrik 2022, Camgoz u arrestua në Podgoricë dhe Drejtoria e Policisë njoftoi në atë kohë se ai kishte një pasaportë të falsifikuar me emrin Mehmet Ali Bayhan. Bashkë me të u ndaluan edhe pesë shtetas të tjerë turq, ndërsa mediat turke më pas njoftuan se edhe ata ishin në kërkim nga autoritetet e tyre. Camgoz dyshohet se është kreu i një grupi të organizuar kriminal dhe sipas mediave turke, në dosjen e tij përfshihen krime të ndryshme, vrasje, plagosje, rrëmbim, ndalim, zhvatje dhe tortura të kryera në Izmir dhe rrethinat e tij, mbledhje të paligjshme të çeqeve dhe obligacioneve.
Në tetor 2021, policia turke nisi një operacion për të arrestuar anëtarët e grupit të tij kriminal, por Camgoz ishte tashmë i sigurt në Gjeorgji. Anëtarët e Drejtorisë së Policisë së provincës së Izmirit, pra Departamentit të tyre për luftën kundër krimit të organizuar, kishin në listën e arrestimit atë ditë 57 anëtarë të bandës së Camgoz.
Ata arrestuan 35 vetë, Camgozin dhe 21 anëtarë të tjerë të atij klani i shpëtuan arrestimit. Në shtator 2022, qelia në të cilën ai qëndronte me pesë anëtarë të tjerë të grupit të organizuar kriminal të Klanit të Kavaçit u kontrollua në Burgun Hetimor në Spuz. Kjo u bë vetëm pak ditë pasi policia turke konstatoi se anëtarë të klanit kriminal Camgoza morën pjesë në vrasjen e liderit absolut të klanit Škaljar, Jovan Vukotiç.
-
-
-
-
Ministri shqiptar kërcënohet nga mafiozi turk
24 Janar, 18:42 -
-
Ministria e Punëve të Brendshme theksoi se ky është kreu i një grupi kriminal me rrezikshmëri të lartë i njohur për kryerjen e krimeve më të rënda në territorin e Turqisë dhe vendeve të tjera. Camgoz u përmend së tepërmi në mediat malezeze dhe ato rajonale, pas dyshimeve se mund të ketë ofruar para për të përfituar azil në Malin e Zi. Akuzat nuk u vërtetuan./Vijesti - ZËRI/
