BELGJIKË- 3 menaxherë bari në Belgjikë janë në mesin e 5 burrave të arrestuar pasi akuzohen se kanë përdhunuar dhjetra gra që frekuentonin klubet e natës. Sipas BBC, Prokuroria ka thënë se të dyshuarit lidhen me të paktën 41 viktima femra nga Dhjetori 2021 deri në vitin 2024. Viktimat kanë shkuar në baret e të arrestuarve në në Kortrijk, atje ku edhe i është hedhur drogë në pije dhe më pas janë abuzuar.
Po bazuar në të dhënat që kanë zbuluar prokurorët e çështjes, burrat pasi abuzonin me klientet e tyre, më pas diskutonin së bashku.
“Grave të reja u ofrohej pije alkoolike, shpesh me aromë amaretto, pas së cilës ato zgjoheshin të nesërmen në mëngjes në një shtrat të panjohur ose në shtratin e tyre, të abuzuara seksualisht,”-kështu tha për televizionin publik flamand VRT Tom Janssens, një tjetër zëdhënës i zyrës së prokurorit. Zyrtarët e policisë dyshojnë se pijet e vajzave përziheshin me drogë, duke përfshirë këtë ketaminën, një anestetik i përgjithshëm i përdorur për qëllime mjekësore si pasojë e efekteve haluçinogjene që jep.
Nga 5 persona të arrestuar, 2 kanë dalë para Gjykatës, 2 të tjerë janë ende duke u marrë në pyetje, ndërsa i pesti është liruar pas intervistimit. Mbi ta rëndojnë akuzat për përdhunim, sulm seksual dhe administrim i paligjshëm i substancave të dëmshme./ZËRI
