Njeriu më i pasur i Azisë, Mukesh Ambani, nuk mund ta fshihte emocionin dhe lotët i rrodhën nga sytë teksa dëgjonte djalin e tij Anand Ambani të fliste në ceremoninë para dasmës së për problemet shëndetësore me të cilat po përballet gjatë gjithë këtyre viteve. Anand dhe bashkëshortja e tij e ardhshme Radhika Merchant, e cila do të martohen korrikun e ardhshëm, kanë bërë një festë para dasmës me të ftuar të përzgjedhur, dhe posaçërisht për këtë event, Rihanna ishte e ftuar për të kënduar.
Para mysafirëve të tij, ai falënderoi prindërit që e bënë të ndihej i veçantë dhe foli për vështirësitë e tij shëndetësore që nga fëmijëria. Gjatë fjalës së tij, babai i tij u emocionua dhe filloi të qajë.
“Familja ime bëri gjithçka për të më bërë të ndihem i veçantë. Jeta ime nuk ka qenë krejtësisht rozë. Unë kam përjetuar dhimbjen. Që nga fëmijëria jam përballur me shumë probleme shëndetësore, por babai dhe nëna nuk më kanë lënë kurrë të ndjej se kam vuajtur. Ata më kanë qëndruar gjithmonë pranë”, tha Anand.
28-vjeçari nuk ka munguar të falënderojë partneren e tij, me të cilën njihen që në fëmijëri dhe prej 7 vitesh janë çift. Siç tha ai, ndihet si mashkulli më me fat në botë që ka në krah një femër si Radhika.
Problemet shëndetësore dhe lufta kundër obezitetit
Shumë kohë përpara se të bëhej i famshëm për martesën e tij të ardhshme, Anand kishte tërhequr vëmendjen për një çështje shumë të ndryshme: luftën e tij me humbjen e peshës. Kjo temë ishte edhe një herë një burim i madh interesi, pasi të gjithë sytë janë tek ai dhe tek pamja e tij.
Data e martesës vjen gati dhjetë vjet pasi Anand për herë të parë filloi një regjim humbje peshe që përfundimisht e pa atë të humbasë 107 kg, një transformim që ai e mbajti për vite me rradhë. Nga viti 2020, megjithatë, ai filloi të shtonte sërish peshë.
Sipas Daily Mail, këngëtari i ri po bën një betejë të vërtetë me peshën e tij. Pasi luftoi me obezitetin për pjesën më të madhe të jetës së tij, Anand mori vendimin për të humbur peshë në 2014 dhe për të arritur qëllimin e tij deri në ditëlindjen e tij të 21-të. Për ta arritur këtë, ai punësoi gjimnastin e famshëm Vinod Channa - i cili kishte punuar me yje të Bollywood-it si John Abraham dhe Ayushmann Khurrana.
Sipas Vinod, pengesa më e madhe e Anandit për të mos humbur peshë ishte mungesa e stërvitjes dhe zakonet e këqija të të ngrënit. Trajneri personal e filloi rutinën e stërvitjes së Anandit ngadalë, duke përshtatur stilin e jetës së tij me përsëritje me intensitet të ulët dhe ecje 30-minutëshe. Sipas South China Morning Post, Anand arrinte të ushtrohej për pesë deri në gjashtë orë çdo ditë.
Në një intervistë për India Today në vitin 2016, Vinod tha se pesha përfundimtare e Anantit ishte 88 kg, duke shtuar se megjithëse iu desh kohë, ai ndryshoi stilin e jetës së tij në mënyrë që të mund të ruante peshën e tij. Ai gjithashtu filloi të hante ushqime të pasura me fibra, me pak karbohidrate dhe me proteina, mesatarisht rreth 1,300 deri në 1,500 kalori në ditë.
Anant kishte pranë vetes edhe nënën e tij, e cila stërvitej dhe arriti të humbte peshë, duke thënë se së bashku nisën një udhëtim për humbje peshe. Nita humbi 17 kg.
“Sa herë që ai stërvitej, bëja të njëjtën gjë. Nëse ai doli për shëtitje, unë shkova me të. Ishte motivimi im kryesor dhe vazhdon të jetë teksa vazhdojmë të luftojmë mbi obezitetin”, kishte thënë nëna e tij Nita. Anand, i cili vuan nga astma kronike.
Megjithatë, nga tetori 2020 ai filloi të shtonte sërish peshë. Anand thuhet se ka shtuar sërish peshë gjatë pandemisë së koronavirusit, duke shmangur kështu vëmendjen. Pesha e Anand erdhi përsëri në fokus pasi shumë spekuluan se rritja ishte rezultat i ilaçeve të tij për astmën, me raporte se ai po merrte steroide. Në një intervistë të vitit 2017 me Times of India, nëna e tij shpjegoi se Anand merrte "shumë steroid" për astmën, duke shtuar se ai "vuan gjithashtu nga obeziteti".
Duke folur për Firstpost, kirurgu i shquar Muffazal Lakdawala, vlerësoi se gjendja e Anand ishte për shkak të mjekimit të astmës.
“Ajo humbi shumë peshë dhe kjo e bëri lajmin. Të gjithë po flisnin për këtë sepse ai është i famshëm dhe e bëri atë vetëm me dietë dhe stërvitje”.
“Në njëfarë mënyre martesa, presionet sociale, e la veten të rrëshqasë pak dhe shtoi në peshë”.
Muffazal shpjegoi se Anand u përpoq të zbatonte të njëjtat ndryshime si më parë kur humbi peshë, por trupi i tij nuk pati të njëjtin reagim.
“Këtë herë thjesht nuk funksionoi. Sepse trupi i tij thjesht nuk ishte përshtatur me të”.
Muffazal shtoi se shtimi i tij në peshë nuk ishte për shkak se ai papritmas filloi të hante keq./ZËRI
