AMSTERDAM- Holanda është tronditur pas zbulimit se disa burra, të pavetëdijshëm për pasojat, kanë bërë baba dhjetëra apo edhe qindra fëmijë pasi kanë dhuruar spermën e tyre. Sipas informacioneve të publikuara nga "New York Post", regjistri kombëtar i gjurmimit të dhuruesve të spermës ka zbuluar të dhëna befasuese: janë identifikuar 85 "dhurues masiv" - burra që kanë më shumë se 25 pasardhës dhe një dhurues për të cilin thuhet se është babai i 125 fëmijëve.
Kjo histori ngre shqetësime serioze për rrezikun e "inbreeding" dhe anomalive gjenetike kur këta fëmijë rriten për të krijuar familje të tyre.
Ministri i Rinisë, Parandalimit dhe Sporteve, Vincent Karemans, vuri në dukje në një letër drejtuar Parlamentit holandez të hënën se mbikëqyrja e pamjaftueshme në klinikat e infertilitetit shkaktuan këtë problem. Në disa raste, donatorët nuk ishin të vetëdijshëm se sa ishte përdorur. Ligji i ri, i miratuar më 1 prill, paraqet një mbikëqyrje më të rreptë të dhurimit të spermës për të parandaluar situata të ngjashme.
"Më vjen sinqerisht keq për këto teprime," - tha Karemans, duke premtuar mbështetje për prindërit, fëmijët e të cilëve mund të kenë dhjetëra gjysmë vëllezër dhe gjysmë motra.
Që nga viti 2018, ligji holandez kufizon numrin e fëmijëve për donator në 12, ndërsa kufiri i mëparshëm ishte 25. Megjithatë, të dhënat e regjistrit tregojnë se midis viteve 2004 dhe 2018, sperma e dhuruar është përdorur në gati 24,000 procedura IVF. Udhëzimet për regjistrimin e donatorëve kanë qenë në fuqi që nga viti 1992, por janë zbatuar dobët, sipas organizatës Donorkind, e cila mbështet familjet e prekura nga ky problem.
Industria është vënë nën presion të shtuar pas skandaleve, duke përfshirë rastin e Jonathan Jacob Meyer, babai i më shumë se 500 fëmijëve, historia e të cilit frymëzoi një seri të Netflix. Një pjesë e problemit qëndron në ligjet strikte të privatësisë, që do të thoshte se klinikat nuk ishin në dijeni se donatorët individualë po furnizonin institucione të shumta.
Megjithatë, rregullat e reja nuk mbulojnë spermën e importuar për shkak të mungesës së mbështetjes në nivel evropian./ZËRI
